Çelet ekspozita “arti tek biznesi”

Në kërkim të rrugëve të reja për promovimin dhe menaxhimin e veprave të artit, Prof. Dr. Abaz Hado ka hapur një ekspozitë shumë interesante, të titulluar “Arti tek Biznesi”, e ekspozuar në një nga Bankat Qendrore këtu në Tiranë.
Prof. Abaz Hado është një emër i shquar i artit shqiptar, me një kontribut të çmuar, si drejtues i institucioneve të rëndësishme të artit dhe kulturës në Shqipëri, gjithashtu si pedagog në formimin e brezave të rinj në Universitetin e Arteve.
Shumë pak kohë pas ekspozitës “Fituam Jetën”, Artisti Hado vjen me këtë ide brilante për ta bërë artin e tij më funksional dhe për ta sjellë më afër publikut duke e ekspozuar në një bankë, ku siç shprehet edhe vetë Profesor Hado, gjatë ditës do të ketë klientë që do shijojnë artin e tij dhe nga ana tjetër punonjëset që ndjejnë kënaqësi në ambientin e punës.
Përmes pikturave të ekspozuara shijohet procesi emocional të Profesor Hados, të përjetuar gjatë periudhe të vështirë të pandemisë.
Një nga punonjëset e bankës, shpreh kënaqësinë e të punuarit në një ambient të rrethuar me art.
Projekti ishte ideuar që të perfshinte disa komponentë, por për arsye të pandemisë Covid 19, ai u kufizua vetëm në hapjen e ekspozitës me vepra të realizuara kohët e fundit.