Vlorë, koncert për Pashkët me muzikë klasike dhe mesazhe optimiste për jetën

Vigjilja e pashkës katolike u ka dhuruar qytetarëve të zonës së Skelës në Vlorë, një koncert me muzike klasike. Dy artistë të njohur vlonjatë, kompozitori dhe pianisti Aulon Naçi dhe klarinetisti Sokol Toto, të mbështetur nga zyra e turizmit të Bashkisë së Vlorës kanë improvizuar një skenë përpara stadiumit Flamurtari, ndërsa spektatorët shijonin koncertin nga ballkonet e dritaret e shtëpive. Koncerti mbrëmjen e pashkës kishte një simbolike të veçantë. “Promovojmë të gjithë së bashku” tha kreu i bashkisë Dritan Leli.
Koncerti i dy artistëve vlonjatë për rreth 60 minuta theu heshtjen e mbushi me tinguj klasike zbrazëtinë e pazakontë të këtij qyteti bregdetar. Nga zona e Skelës, ditët e ardhshme do zhvendoset dhe në zona të tjera të qytetit.