“Together At Home”, koncerti me emrat më të famshëm botëror të muzikës, sonte në orën 18.30 në RTSH 2

Një botë: “Së bashku në shtëpi” (One World: Together At Home) është koncerti virtual, i organizuar nga OBSH dhe organizata ndërkombëtare për mbrojtje “Global Citizen”, i cili ka bashkuar njerëz që janë prekur nga pandemia COVID-19, I cili i transmetua mbrëmjen e së shtunës për rreth 6 orë. Koncerti u organizua me qëllim për të ndërmarrë veprime kuptimore për të mbrojtur shëndetin dhe për të mbështetur përgjigjen globale ndaj COVID-19. Koncerti virtual ishte edhe një mbështetje për punonjësit e guximshëm të kujdesit shëndetësor, që po bëjnë një punë heroike në vijën e parë për të shpëtuar jetë.
Koncerti u kurua në bashkëpunim me Lady Gaga. Në këtë ngjarje globale u përfshinë emrat me famshë botërore në fushën e muzikës si: Alanis Morissette, Andrea Bocelli, Billie Eilish, Billie Joe Armstrong of Green Day, Burna Boy, Chris Martin, David Beckham, Eddie Vedder, Elton John, FINNEAS, Idris dhe Sabrina Elba, etj. J Balvin, John Legend, Kacey Musgraves, Keith Urban, Kerry Ëashington, Lang Lang, Lizzo, Maluma, Paul McCartney, Priyanka Chopra Jonas, Shah Rukh Khan dhe Stevie Wonder.
“Organizata Botërore e Shëndetësisë është e përkushtuar që të mposhtë pandeminë e koronavirusit me shkencën dhe masat e shëndetit publik, si dhe të mbështesë punonjësit e shëndetit që janë në vijat e para të kësaj lufte,” tha Dr. Tedros Adhanom Ghebreyesus, Drejtori i Përgjithshëm i OBSH. “Mund të duhet të jemi fizikisht larg për një kohë, por prapë mund të bashkohemi virtualisht për të shijuar muzikë të shkëlqyeshme. Koncerti “Një botë: Së bashku në shtëpi” përfaqëson një shfaqje të fuqishme solidariteti kundër një kërcënimi të përbashkët. “
Një botë: “Së bashku në shtëpi” (One World: Together At Home), koncertimë i madh on line i organizuar ndonjë herë u transmetua mbrëmë në platformat sociale si Alibaba, Amazon Prime Video, Apple, Facebook, Instagram, LiveXLive, Tencent, Tencent Music Entertainment Group, TIDAL, TuneIn, Twitch, Twitter, Yahoo dhe YouTube, si dhe në rrjetet kryesore televizive në të gjithë botën duke filluar në orën 18:00 në rrjetet si: ABC, NBC, ViacomCBS Networks, iHeartMedia dhe Bell Media dhe platformat në Kanada. Ky event botërorë do të transmetohet ditën e diel edhe në RTSH 2, duke filluar në orën 18:30 dhe do të zgjasë 6 orë. Kjo shfaqe speciale digjitale ka përfshirë artistë nga e gjithë bota, si dhe do të njiheni me histori unike nga heronjtë e kujdesit shëndetësor në të gjithë botën. /rtsh.al