Teatri Kombëtar, kalimi në pronësi të Bashkisë së Tiranës sjell polemika

Kreu i demokratëve Lulzim Basha ka ngritur akuza të forta mbi vendimin më të fundit të qeverisë Rama për kalimin e Taetrit Kombëtar në pronësi të Bashkisë së Tiranës, që sipas tij i hap rrugën prishjes së godinës ekzistuese të Tearit Kombëtar. Ai tha se ndërtimi i kullave aty bëhet për pastrimin e parave të krimit dhe kjo nëpërmjet Bashkisë së Tiranës. Në një bashkëbisedim me gazetarët, Kryedemokrati nuk përjashtoi edhe skenarin e krizës ekonomike të shkaktuar, sipas tij,nga keqmenaxhimi që qeveria po i bën situatës së pandemisë.
Ka reaguar menjehere kryebashkiaku Erion Veliaj ku siguroi qytetarët se ashtu sikurse u bë realitet stadiumi i ri, Pazari i Ri, Sheshi Skënderbej, Bulevardi i Ri, Tirana do të ketë edhe një Teatër të ri. Veliaj siguroi se bashkë me kryeministrin është i vendosur për të mbajtur premtimin për t’i dhënë qytetit një Teatër të Ri.