“Berati i vjetër” ekspozitë me foto të vjetra të qytetit muze

Berati është prej qyteteve që gjithnjë ka me çfarë të befason. Por kush do të udhëtojë këto ditë e deri më 5 tetor në këtë qytet, duhet të planifikojnë edhe një vizitë tek Galeria e Artit të qytetit “Eduart Lear”. Në kuadër të muajit të trashëgimisë kulturore, qendra e muzeve Berat, ka çelur një ekspozitë me rreth 50 fotografi, të gjitha në lupën e të huajve.
Agron Polovina, drejtor i muzeve në Berat, shprehet: “Kjo ekspozitë fotografike është një seri fotografish imazhe të qytetit të Beratit të përzgjedhura me kujdes të cilat janë të realizuara në një periudhë dyzet vjeçare rreth njëqind a njëqind e njëzet viteve më parë, nga mjeshtra fotografë, nga udhëtarë, gjeografë dhe etnografë, të cilat janë realizuar për revistat ndërkombëtare të asaj periudhe.”
Mes fotove të ekspozuara janë dhe 11 foto të peizazheve e grafikeve të artistit britanik Eduard Lear, bërë në Beratin e mes shekullit të XIX-të