Шехерезада, разкажи ми приказка

Синопсис

Каиро, Египет. Хеба е независна водителка на телевизиско шоу и е мажена за Карим, сиромашен уредник на весник. Од Хеба се бара да се откаже од својата кариера поради професионалните амбиции на својот сопруг.
Египетскиот режисер Јусури Насрала и сценаристот Вашид Хамед ги здружуваат силите во оваа провокативна приказна за врската помеѓу сексот, политиката и културата во Блискиот Исток денес. Хеба е водителка на телевизиско шоу специјализирано за откривање на корупцијата вкоренета во египетската политика. И покрај тоа што шоуто е ценето, неговиот успех предизвикува проблеми за кариерата на сопругот на Хеба, Карим кој уредува весник контролиран од владата. Шефовите на Карим го тераат да ургира кај Хеба да го промени фокусот на нејзината емисија или би можеле да го згаснат неговиот весник, па на крајот Хеба се согласува. Наместо тоа, Хеба претставува серија емисии во кои жените од неколку сфери на животот зборуваат за тоа како сексот и улогите на половите влијаат врз нивните животи. Амани е средовечна жена која како девојче си ветила дека ќе се омажи само од љубов, а не за пари и сигурност. Амани останала доследна на својата заклетва, иако тоа значи дека сè уште е сама, но таа мора да ја балансира својата осаменост и сексуална фрустрација со желбата на нејзиниот најнов додворувач, Ахмед, кој сака да ја контролира нивната врска. Нашед е успешна забарка која јасно му ставила на знаење на своето момче, Адам, дека нема да спие со него сè додека не се венчаат. Адам ги почитувал нејзините чувства, но штом се венчале, Нашед увидела како неговиот став кон неа драстично се променил.