Teatri shqiptar në Maqedoninë e Veriut, triumfon “Jul Çezari” i Teatrit Kombëtar Eksperimental

Vjeshta ka nisur e begatë në aktivitete kulturore-artistike. Teatri po thyen heshtjen e shtatë muajve, e jo thjesht me nga një shfaqje, por me festivale të tëra. Ne Dibër të Madhe, në Maqedoninë e Veritu, për të 19-in vit, kryevepra të dramaturgjisë shqiptare dhe asaj botërore, folën vetëm shqip:
Gjashtë netë, tetë shfaqje nga Trupa e Teatrit Kombëtar të Prishtinës, Teatri Kombëtar Eksperimental, Teatri Shqiptar i Shkupit dhe teatri Bylis i Fierit. Vlerësime për më të mirët. Rozi Kostani u vlerësua aktorja më e mirë jo protagoniste. Ervin Bejleri, aktori më i mirë jo protagonist, Alfred Trebiska, aktori më i mirë protagonist për dramën “Ata hynë pa trokitur”
Çmimin e shfaqjes më të mirë e mori shfaqja “Jul Çezari” e Teatrit Kombëtar Eksperimental me regji të Ivica Buliç, ndërsa edhe ky festival lidhet me emrin e drejtorit të tij Ylber Nuredinit.