Propozimi: Bashkia Ura Vajgurore të quhet Bashkia Dimal!
Ministri i Mjedisit, deputeti Blendi Klosi, i ka paraqitur parlamentit së fundi një projektligj për ndryshimin e emrit të Bashkisë Ura Vajgurore në Bashkia Dimal.
Përpjekjet për të arritur deri tek ky propozim, kanë nisur prej më shumë se një viti, kur Bashkia e Urës Vajgurore ka intensifikuar përpjekjet për marrë emrin Bashkia e Dimalit. Me këtë emër ajo synon kthimin në identiti të qytetit ilir të Dimalit, që ndodhet në territorin e bashkisë.
Kryetarja e Bashkisë Juliana Memaj një nga hartueset e projektin ambicioz “Bashkia e Dimalit” ka thënë se ai synon të harmonizojë zhvillimin ekonomik, infrastrukturor dhe hapësinor me mbrojtjen e burimeve natyrore, zbutjen e pabarazive sociale dhe promovimin e zhvillimit intelektual të shoqërisë.
Kjo nismë la gjetur mbështetjen e mbarë komunitetit të 4 njësive të kësaj bashkie relativisht të re, ka gjetur edhe mbështetjen e shumë institucioneve qëndrore e lokale, Drejtoria Rajonale e Kulturës Kombëtare Berat, kryetarja e qarkut zonja Valbona Zylyftari, deputet të Beratit e deri tek Ministri i Turizmit dhe Mjedisit Blendi Klosi.
Gërmimet arkeologjike për zbulimin e Dimalit, nisën në mesin e viteve ’60 dhe u kryesuan prej arkeologut Burhan Dahutaj. Dimali cilësohet si një nga vlerat unikale historike e arkeologjike të Shqipërisë. Ai po synohet gradualisht të shndërrohet në një destinacion turistik sa më të vizitueshëm.
