Libri i Rexhep Hotit botohet në Itali

Libri me poezi, “Kambana e heshtjes” i autorit kosovar Rexhep Hoti është përkthyer dhe botuar në gjuhën italiane nga shtëpia botuese Kimerik.
Kështu ka bërë të ditur vetë autori nëpërmjet një postimi në rrjetin social Facebook, njofton Klan Kosova.
“Nga sot librin në gjuhën italiane mund ta porosisni online, ndërkaq në ditët e ardhshme libri do të mund të blihet në të gjitha katalogët online (IBS, Feltrinelli, Mondadori, Kimerik, libraria Universitare) dhe në pika të ndryshme shitjeje”, ka shkruar Hoti.
Hoti është autor i disa librave, i shumë punimeve shkencore si dhe pjesëmarrës në shumë seminare dhe konferenca ndërkombëtare. Librat e tij më të njohur janë: «Visore të shthurura», «Nata e Kosovës», «Tempulli i fjalës», «Kosova përballë vetvetes», «Pesha e konsensusit», «Përzierje e trishtë», «Gjenitë dhe drama e Kosovës», «Flirti civil dhe ambasadori», «Ndëshkimi i kujtimeve», «Monologu i Prijësit» dhe «Vitet e fshehura».
Mbi krijimtarinë letrare të Rexhep Hotit kanë shkruar figurat kryesore të letërsisë shqiptare nga Ismail Kadare e deri te Rexhep Qosja, Diana Culi, Mimoza Ahmeti, Lisen Bashkurti, Brikena Ismajli, Anton Panchev etj.
Romanet dhe poezitë e tij janë përkthyer në gjuhën bullgare, angleze, turke etj.
Ky është linku për të porositur online librin “Kambana e heshtjes” të autorit Rexhep Hoti.