Како се менуваше битолската мода од ала турка во ала франга низ објективот на браќата Манаки

Фотографскиот опус на браќата Јанаки и Милтон Манаки е сестран и полифон во смисла на опфаќањето различни наративи и заедници во богатата и густа мултикултурна балканска демографска структура. Најзастапени се поединечните и групните портрети, фотографии кои сведочат за социјални слоеви, етнографски аспекти, но и обичаи и секојдневен живот на население од различни етнички заедници.