Dua Lipa në një statujë dylli në Stamboll

Dua Lipa përjetësohet me një statujë dylli edhe në Stamboll. Statuja u ekspozua në sallat e muzeut “Madam Tuso“ të qytetit më të populluar të Turqisë, që vizitohet çdo vit nga qindra mijëra turistë.
Ylli i muzikës Pop është përjetësuar në këtë statujë me një nga veshjet, e bujshme të saj më të cilën u shfaq në turneun për promovimin e albumit “Future Nostalgia” para dy vitesh. U desh një vit për punimin e statujës së 28-vjeçares, ndërsa leja u mor nga ekipi i artistes në Shtetet e Bashkuara.
Stambolli është qyteti më i fundit që shton një statujë dylli të Dua Lipës, e cila deri më tani, ashtu si shumë personalitete të tjerë të artit dhe jo vetëm, ka statuja në muzetë “Madam Tuso” edhe në Nju Jork, Londër dhe Amsterdam.
Tv Klan
The post Dua Lipa në një statujë dylli në Stamboll appeared first on Tv Klan.