Pogradec, çelet bienalja ndërkombëtare e karikaturës

Është çelur zyrtarisht në qytetin e Pogradecit, bienalja ndërkombëtare e karikaturës “Buzeqeshje Ballkanike” “Ditët e humorit Niko Nikolla”. Aktiviteti organizohet nga Albania Excellence me mbështetjen e Bashkisë së Pogradecit. Bienalja e sivjetshme e fut Shqipërinë për herë të parë, në hartën ndërkombëtare të karikaturës.
Të paktën, 150 karikatura nga 50 shtete të botës dhe 30 karikatura te artistit Agim Sulaj, realizuar ne vitet 80 ne revistën historike Hosteni, u prezantuan ne sheshin e trëndafilave në qendër të qytetit, buzëmbrëmjen e së shtunës. Karikaturat të cilat prezantojnë një mori temash sociale dhe politike u vizituan e u komentuan nga qytetaret poradecare , por dhe nga personalitete të botës së kulturës pan shqiptare që po marrin pjesë në këtë aktivitet i cili synon të kthehet në një aktivitet të përvitshëm.
Në qytetin buzë liqenit janë organizuar edhe një seri aktivitetesh si, tryeza e rrumbullakët “ Karikatura dje dhe sot, trend ne rritje “, karikatura të lira në qytet, prezantimi i fílmave të humorit nga Ilir Harxhi.
Sot në mbrëmje është Nata e madhe e ndarjes së çmimeve Gala të bienales nderkombetare te karikatures “ Buzeqeshje Ballkanike “ Ditet e humorit Niko Nikolla” , nje ekskluzivitet që do të shfaqet në rrjetin e RTSH ne regjine e Petri Bozos.