сезона: 1
Содржина
Првата серија на "ХБО Европа" во јадранскиот регион – "Успех" – во режија на добитникот на Оскар Данис Тановиќ, ни прикажува четири лица што не се познаваат меѓусебно и ги поврзува еден насилен настан.
"Успех" е повеќеслојна драма што се фокусира на моќните ликови. Таа ги следи меѓусебно поврзаните приказни за четири лица што не се познаваат меѓусебно и секој од нив се бори со секојдневниот живот во градот, а ги поврзува еден насилен настан. Кога последиците од нивните дејства почнуваат да навлегуваат во секој аспект од нивните животи, овие обични луѓе од различни делови на општеството одлучуваат да се спротивстават. Ова е мрачен поглед во различните општествени структури на современиот Загреб преку животните приказни на обичните луѓе коишто тоа исто општество ги турка во амбис. Иако Загреб е во фокусот, "Успех" претставува универзална, слоевита приказна во која ги гледаме моментално доминантните чувства на фрустрација, беспомошност и пасивност во секојдневниот живот на обичната личност во регионот, а и пошироко, преку љубовта, работата, семејството, верноста, несигурноста и криминалот.