Госпоѓа Флечер

„Госпоѓа Флечер“ е комедија за влијанието на порнографијата на интернет и социјалните медиуми, прикажувајќи ни го животот на разведената Ив Флечер која наоѓа среќа и сексуална исполнетост кои ги немала во минатото.
Во оваа комедија на ХБО според истоимениот бестселер роман на Том Перота, игра Кетрин Хан во улогата на Ив Флечер, самохрана и разведена мајка која е осамена кога нејзиниот син заминува на факултет. Обидувајќи се да се приспособи на новиот живот сама, Ив навлегува во светот на порнографијата на интернет, почнувајќи да се открива себеси со оглед на тоа што сега може да ги исполни своите потиснати сексуални фантазии. Во меѓувреме, синот на Ив, Брендон. (Џексон Вајт) има сопствени предизвици на факултет. Брендон бил најкул дете во средно училиште, но сега, како обичен факултетски бруцош, него претежно го игнорираат или погрешно го проценуваат.