“Здраво, дами“ го прикажува Стивен Мерчант во улогата на несмасен Англичанец, кој ја бара жената од своите сништа во Лос Анџелес. Тој е опседнат да влезе во гламурозниот свет на убавите луѓе. За жал, убавите луѓе не го примаат.
HBO ја прикажува премиерата на “Здраво, дами“, новата хумористична серија во извршна продукција на Стивен Мерчант, Ли Ајсенберг и Џин Ступнитски, во која се работи за еден несмасен Англичанец кој ја бара жената од своите сништа во Лос Анџелес. Во својата прва главна улога во серија, Стивен Мерчант го игра Стјуарт, веб-дизајнерот кој се сели од Англија во Лос Анџелес, во надеж дека ќе пронајде возбуда, романса, а можеби дури и сродна душа. Работејќи од дома, Стјуарт има близок однос со својата привлечна цимерка Џесика (Кристин Вудс), иако е јасно дека таа не е заинтересирана за романса со него. Стјуарт е двојно помалку шармантен отколку што мисли дека е, а е двојно поочаен и опседнат со тоа да влезе во гламурозниот свет на убавите луѓе. Стјуарт е заведен од потенцијалот на најдобрите ресторани и ноќни клубови, но неговиот “евтин“ изглед често го остава пред вратите на најпосакуваните локали во Лос Анџелес. Во осумте епизоди од сезонава, Стјуарт се вовлекува во “шемата“ на Лос Анџелес, во потрага по убави жени, а често го придружуваат другарите Вејд (Нејт Торенс) кој минува низ развод, и Кајвс (Кевин Вајсмен), кој е харизматичен параплегичар кому му оди многу подобро со жените отколку што им оди на Стјуарт или Вејд.