Компјутерџии

Дејството се одвива во британската компанија „Рејнхолм индустрис“. Серијата ги следи тројцата вработени во одделот за ИТ. Тие се бубаџијата и гениј по име Мос, мрзливиот Рој и раководителката на одделот, Џен, која не знае ништо за ИТ.
Во британската компанија „Рејнхолм индустрис“ канцелариите се полни со прекрасни и среќни луѓе кои постојано нижат успеси. Сепак, тоа ги исклучува вработените во визбата, а тоа е одделот за информатички технологии. Додека нивните колеги работат во фантастична средина, Џен, Рој и Мос мораат да работат под земја, во мрачна и ужасна визба, обидувајќи се да се пробијат во нормалното општество. Џен (Кетрин Паркинсон) е кариеристка која се обидува да напредува во работата. За жал, поради тоа што лажела во своето резиме, таа е поставена да биде раководителка на одделот за ИТ. Проблемот е што таа не знае ништо за технологијата! Рој (Крис О’Дауд) и Мос (Ричард Ајоад) го сочинуваат одделот за ИТ и имаат љубов кон технологијата, како и кон научната фантастика, и ако може воопшто да не работат. Ним не им се допаѓа идејата да ги надгледува некој што не знае ништо за компјутерите. Гледајќи дека Рој и Мос знаат многу за компјутерите, но многу малку за работата со луѓе, Џен ја презема улогата на „менаџер за односи“ за да им помогне на момците да си помогнат себеси. Серијата дава весел и малку надреален поглед на тоа што значи да се биде во одделот за ИТ на некоја компанија.