ХБО ја претставува својата оригинална серија „Сопранови“, реалистична и мрачна хумористична серија во која се прикажани членовите на едно семејство од едно предградие на Њу Џерси, каде таткото е мафијашки шеф. Кога чувствува дека неговата контрола врз семејството и бизнисот му бега, Тони Сопрано (Џејмс Гандолфини) доживува серија нервни напади поради што завршува на психијатар (Лорејн Брако). Отворајќи се пред својата нова психијатарка, Тони во детали раскажува за својот живот како „консултант за справување со отпад“ и се обидува да се помири со своите професионални и приватни ограничувања кои го донеле до работ на нервен слом.