Во „Хакервил“ се работи за еден 14-годишен гејмер и за една германско-романска аналитичарка за кибернетски криминал која е испратена да најде еден хакер во својот роден град Темишвар. Таму таа се здружува со еден романски полицаец.
Кога една германска банка е хакирана, детективката за кибернетски криминал Лиза Мец (Ана Шумахер) е испратена во романскиот град Темишвар од каде што потекнува хакирањето. Лиза е Германка со потекло од германската заедница во Романија, иако има живеено во Германија поголем дел од животот. Ова патување ќе ја соочи со минатото на своето семејство, како и со културните спротивставености што ги среќава на секој чекор од патот. Уште поголем предизвик за Лиза е да најде начин да функционира со својот олабавен партнер, темишварскиот полицаец Адам Сандор (Енди Васлујану). Тој има многу различен менталитет што кај нејзе предизвикува нервоза... а чувството е заемно. Но, нервозата понекогаш може да се претвори во привлечност, па двајцата полицајци почнуваат возбудлива потера и се зближуваат поради потребата да го спасат 14-годишниот гејмер Чипи.
