Додека селото спие

Во едно зафрлено козачко село живее прекрасната млада козачка Мариса Сотник, израсната во атмосфера на неизмерна љубов од својот татко кој ја осварува секоја нејзина желба и хир. Судбината ја поврзува со младиот благородник Степан, кој доаѓа во селото бегајќи со својата сакана Аљона, за девојката да не биде насилно омажена со богатиот, но омразен од неа трговец, Петар Колеванов. Родителите инсистираат да ја омажат за трговецот, бидејќи оваа успешна „трансакција“ ќе им обезбеди добра иднина на нивната ќерка, а тие самите ќе можат да ја подобрат својата финансиска состојба на сметка на зетот.
Откако ќерката ќе избега од дома со Степан, засраменото семејство се крие во „глувчешка дупка“, верувајќи дека Аљона никогаш повеќе нема да може да се омажи, но Колеванов одлучува да не се откаже од убавицата и ветува дека ќе ја врати „идната невеста“ дома и насилно ја направи негова сопруга. Степан и Аљона, криејќи се од гневот на своите родители, со цел тајно да се венчаат, изнајмуваат куќа кај една селанка претставувајќи се како брат и сестра. За негова и несреќа на Аљона, Степан ја спасува Мариса од сигурна смрт пред коњите да излетаат во бездна. Мариса се вљубува во својот спасител на прв поглед и е подготвена да се омажи за ова убаво момче под секакви околности.
Но, соочена со недвосмисленото отфрлање на Степан, таа решава да му се одмазди. Манипулирајќи го своето семејство, Мариса ќе успее да се омажи за Степан на сила, но таа никогаш нема да ја добие неговата љубов. Аљона ќе преживее натчовечките страдања и пеколни маки, но никогаш нема да престане да го сака Степан, иако нема да сака да му го растури бракот. Трговецот Колеванов, инаку кум на Мариса, никогаш нема да се откаже од својата страст да ја понижи Аљона заради нејзиното одбивање. Во оваа динамична серија, ситуацијата ќе се менува те во корист на Аљона, те во корист на Мариса. Кој од нив на крајот ќе го добие Степан?

Се прикажува на каналите:

Беше на каналите:

Следна епизода: