Голема љубов

Големо семејство. Големи сништа. Големи проблеми. Голема љубов. Полигамијата си сака друштво. Ејч-Би-Оу претставува смела серија која ја истражува еволуцијата на институцијата брак низ едно типично атипично семејство.
Мислите дека да имате три жени е остварување на сон? Размислете пак. Ејч-Би-Оу претставува една неконвенционална современа драмска серија која ја раскажува приказната за Бил Хенриксон (Бил Пакстон), полигамист кој живее во предградијата на Солт Лејк Сити со своите три жени и седум деца. Бил, кој е независен бизнисмен што води успешен синџир продавници за хардвер, се соочува со разни предизвици за да ги задоволи емоционалните, романтичните и финансиските потреби на своите жени - Барб (Џејн Триплхорн), Ники (Клои Севињи) и Марџин (Џинифер Гудвин), додека се справува со децата кои ги има со нив, со трите споени куќи и со сè поголемата планина сметки, а и со отворањето на својата најнова продавница. Работите ги усложнува една серија кризи која ги погодува неговите родители, Френклин и Луиз (Брус Дерн и Грејс Забриски) кои живеат во една полигамистичка заедница во рурална Јута, а и еден неочекуван деловен предизвик од Роман (Хери Дин Стентон), еден од неговите дедовци од неговите сопруги, кој е и „Пророк“ на полигамистичката заеднива каде живеат неговите родители.