Содржина
Познатиот детектив на Сер Артур Конан Дојл, добива нов лик во адаптацијата на стрипот на Лајонел Виграм, од сценаристот/режисерот Гај Ричи, каде играат Роберт Дауни Јуниор во улогата на познатиот детектив и Џад Лоу во улогата на д-р Вотсон.
Од режисерот Гај Ричи („Рокенрола“, „Две зачадени двоцевки“) пристигнува сосема новиот приказ на класичниот мајстор-детектив, Шерлок Холмс, во кој го играат Роберт Дауни Јуниор, Џад Лоу и Рејчел Мекадамс. Познатиот „консултант детектив“, Шерлок Холмс (Дауни Јуниор – „Железен човек“) има реноме за решавање на најсложените мистерии. Со помошта од неговиот верен сојузник, д-р Џон Вотсон (Лоу – „Авијатичарот“), Холмс е ненадминат во неговата потрага по криминалци, потпирајќи се само на сопствената моќ на запазување, на неговите неверојатни вештини за носење заклучоци -- и на едноставната сила на неговите тупаници. Но, сега на Лондон му се заканува нешто со што Холмс сѐ уште се нема соочено... и тоа е предизвикот кој тој го бара. По серија брутални, ритуални убиства, Холмс и Вотсон пристигнуваат токму на време за да ја спасат последната жртва и да го откријат убиецот, Лорд Блеквуд (Марк Стронг -- „Тело на лаги“). Пред неговото бесење, Блеквуд го предупредува Холмс дека смртта нема моќ над него и кога очигледното воскресение на Блеквуд и неговиот најнов смртоносен план носат паника во Лондон и го збунуваат Скотланд Јард, Холмс и Вотсон влегуваат во светот на темните вештини и неверојатните нови технологии, каде логиката понекогаш е најдоброто оружје за борба против криминалот... но, добро десно кроше често пати ја завршува работата. Па, играта може да започне!