Таен прозорец

СОДРЖИНА

„Таен прозорец“ е филм за писател кој минува низ тежок развод, а го демне еден психотичен странец кој тврди дека писателот ја украл неговата приказна. За да го присили писателот да попушти, странецот е подготвен на сé, па дури и на убиство.
Иако знае дека треба седи пред компјутер и да пишува нова книга или барем да го шета своето куче покрај езерото, пред својата викендичка, успешниот писател Морт Рејни (Џони Деп) спие по 16 часа на ден на својот омилен кауч. Тој минува низ тежок развод и сé во тој развод е хаотично и непријатно. Тоа му ја исцицало енергијата и му ја одзело креативноста, оставајќи го со писателска блокада, неспособен да спои и една обична реченица. Тогаш, кога се чини дека работите не можат да бидат полоши, еден психотичен странец по име Џон Шутер (Џон Туртуро) се појавува на неговата врата и го обвинува Рејни дека му ја украл приказната, барајќи отштета. И покрај напорите на Рејни да го смири, Шутер станува сé понападен и поагресивен, навестувајќи изопачена правда, па дури и ладнокрвно убиство. Присилен да влезе во чудната игра на мачка и глушец, Рејни открива дека е поитар и поодлучен отколку што мислел. На крајот, тој сфаќа дека мистериозниот Шутер можеби го познава подобро отколку што се познава тој самиот. Филмот е во режија на Дејвид Кеп, според неговото сценарио врз основа на романот „Таен прозорец, тајна градина“ на Стивен Кинг.