Содржина
Последната работа што ја сакаат братот и сестрата Севиџ е да се навраќаат на нивното тешко семејно минато. Откако се ослободиле од доминацијата на нивниот татко, тие сега се заробени во сопствените комплицирани животи. Венди е сценаристка во Ист Вилиџ, т.е. по цел ден аплицира за грантови, краде канцелариски материјали и излегува со женетиот сосед. Џон е невротичен факултетски професор, кој пишува трудови на нејасни теми во Бафало. Одеднаш тие добиваат повик дека нивниот татко од кого долго време се плашеле и го избегнувале, Лени Севиџ, полека добива деменција и тие се единствените што можат да му помогнат.
Сега, Венди и Џон ги ставаат своите и онака комплицирани животи во мирување и се присилени да живеат заедно под еден покрив за првпат од детството, повторно откривајќи ги меѓусебните односи што ги полудувале. Соочени со кавги околу справувањето со последните денови на нивниот татко, тие се соочуваат и со обврските како возрасни, со семејните обврски, но и еден со друг.