Содржина
Серијата филмови „Крајно одредиште“ го добива и четвртото издание, предводено од продукцискиот тим зад вториот филм – режисерот Дејвид Р. Елис и сценаристот Ерик Брес.
Приказната се одвива околу еден тинејџер што го избегнува патувањето до смртта на една автомобилска трка, но дознава дека смртта си има начин да ги израмни сметките. Шантел Вансантен, Боби Кампо и Хејли Веб ги играат главните улоги во ова продолжение. Почивај во парчиња! Ако некако успеете да ја измамите смртта, бидете сигурни дека смртта ќе ве демне додека не заврши сѐ. Овојпат, Ник О’Бенон (Боби Кампо) има претчувство за смртоносната автомобилска трка што му го спасува животот, а и животите на неколку среќници (или несреќници) околу него. Но, смртта не прифаќа „не“ како одговор. А, визиите се сѐ пострашни како што преживеаните почнуваат да умираат еден по еден, на сѐ погадни начини. Сега, Ник мора да најде начин да ја измами смртта еднаш и засекогаш, пред да стигне и тој до Крајното одредиште. Претходните три филма, заедно, заработија повеќе од 150 милиони долари, а овој трилер е снимен во 3Д од истиот тим на сценаристи, режисери и продуценти како и вториот филм. Држете се. Уште не е готово!