Содржина
Аманда е сопственичка на еден дуќан за користени венчаници на кои им дава нов живот и им ги продава на невестите кои не можат да си дозволат скапи фустани. Со оглед на тоа што Аманда има добро срце, таа често се спријателува со своите клиентки, а понекогаш им ги дава фустаните и бесплатно. Поради тоа наскоро наидува на финансиски проблеми, а излезот ѝ го нуди свадбениот фотограф Џејмс кој се нуди да ја слика нејзината продавница за едно списание. Иако не сака публицитет, Аманда нема избор освен да се согласи, а наскоро таа и Џејмс се зближуваат, па сфаќа дека тој е многу повеќе од циничен фотограф кого го интересира само заработка. Кога уредниците на списанието одлучуваат да ја искористат Аманда за евтин публицитет, таа се откажува од сѐ. Аманда и Џејмс сфаќаат дека се заљубени, па Аманда набргу добива шанса да ја проба сопствената венчаница.