Содржина
Режисерката Ана Одел спроведува социјален експеримент за половите улоги што ги имаат мажите и жените во современото општество. Таа го кани Микаел Персбранд и шест други најдобри скандинавски актери да соработуваат во проектот.
Шведската режисерка и визуелна уметница Ана Одел, спроведува социјален експеримент преку кој сака да ги предизвика половите улоги што ги имаат мажите и жените во современото општество. Во склад што е посебно изграден за снимањето, таа се соочува со шведскиот актер и икона на машкоста Микаел Персбранд, а поканува и шест други најдобри скандинавски актери да живеат со нив и да се однесуваат како алтер-ега во однос на неа и на Микаел. Групата започнува игра без правила, што води до вистински конфликти и смешни, апсурдни и емоционални ситуации откако Трине Дирхолм, Јенс Албинус, Вера Витали, Шанти Рони, Софи Грабол и Туре Линдхард ќе треба со недели “да останат во нивните улоги“ цело време.