Содржина
Акциска фантазија поставена во Кина во ерата на Трите Кралства (220-280 н.е.) што раскажува за двојниците – мажи “сенки” кои ги заменувале аристократите во опасни времиња, подготвени да се жртвуваат за да преживеат нивните господари.
Со „Сенка“ режисерот Жанг Јиму („Херој“, „Куќа на летачки ножеви“) уште еднаш ги поместува границите на “вуција” акција за да создаде филм како никој друг, вешто отсликувајќи платно со мастилни црни и сиви бои со акцент на ненадејни бои од крвта на поразените. Во кралство предводено од млад и непредвидлив крал, генералот има тајно оружје: “сенка”, двојник кој може да ги измами противниците, па дури и кралот. Сега мора да го искористи оружјето во итар план што ќе ги доведе неговите луѓе до победа во војна којашто кралот не ја посакува.