Содржина
Вечерта кога се одржува фестивалот во чест на Свети Себастијан во Сан Хуан во Порторико, богатиот адвокат и специјалист за даноци Хенри Херст (Џин Хекман) се подготвува за хуманитарниот бал. Со него е неговата убава и млада сопруга Шантал (Моника Белучи). Но Хенри добива повик да се јави во полиција. Еден ден порано, за време на редовното утринско трчање, Херст го пронаоѓа мртвото тело на 12-годишно девојче. Капетанот Виктор Бенезе (Морган Фримен) и темпераментниот млад детектив Овенс (Томас Џејн) тврдат дека само сакаат да разјаснат некои детали од неговата изјава. Но кога Херст почнува да ги меша податоците во своите одговори, на полицајците им станува јасно дека е тој на некој начин вмешан во случајот и тој станува осомничен. Како што напредува испрашувањето, се откриваат детали за животот на угледниот адвокат, но и детали од неговиот однос со младата сопруга. Прашањето за невиноста или вината на Херст станува сѐ покомплексно, судирите помеѓу него и Бенезе сѐ пожестоки, а одговорите уште не се на повидок...