Содржина
Филмот ја раскажува приказната за Џавед, британски тинејџер со пакистанско потекло, кој живее во гратчето Лутон за време на ерата на Тачер, бунтувајќи се против родителските и културните очекувања со помош на музиката на Брус Спрингстин.
Од сценаристот, режисер и продуцент Гуриндер Чадха („Шутирај како Бекам“) доаѓа инспиративната драма „Заслепен од светлината“, проследена со музиката и стиховите од безвремените песни на Брус Спрингстин. Филмот ја раскажува приказната за Џавед (Вивеик Калра), британски тинејџер со пакистанско потекло, кој живее во малото гратче Лутон, Англија, во 1987 година. И покрај расните и економските проблеми во тие времиња, тој пишува поезија како начин да побегне од нетолеранцијата во својот роден град и нефлексибилноста на својот традиционален татко. Но кога еден соученик го запознава со музиката на “Шефот“, Џавед гледа паралели во својот сиромашен живот и во моќните стихови на Спрингстин. Откривајќи издувен вентил за своите потиснати соништа, тој исто така почнува да наоѓа храброст да се изрази преку својот уникатен глас.