Содржина
Психотерапевтот Рубен Бранд страда од насилни ноќни мори инспирирани од легендарните уметнички дела. Тој ангажира четири свои пациенти, крадци експерти, да ги украдат сликите за него надевајќи се дека со тоа ќе ги надвладее стравовите.
Рубен Бранд, познат психотерапевт, е принуден да украде 13 слики од познатите светски музеи и приватни колекции за да ги спречи страшните ноќни мори што му се јавуваат како резултат на потсвесни пораки што ги добивал како дете. Придружуван од четири свои пациенти, тој и неговата група почнуваат успешно да крадат и имаат голем успех во Лувр, Тејт, Уфици, Ермитаж, и Музејот на модерна уметност. “Колекционерот“ набргу станува најбараниот криминалец на светот. Гангстери и ловци на уцени го бркаат низ светот додека наградата за неговото фаќање постојано расте, доближувајќи се до сто милиони долари. Еден картел на осигурителни компании го најмува Мајк Ковалски, приватен детектив и водечки експерт за кражби на уметнички дела, да го реши случајот со “Колекционерот“.