Содржина
Даниел Хилард (Робин Вилијамс) не е обичен татко, па кога дознава дека неговата бивша сопруга има потреба од дадилка, тој се пријавува за работата. Со совршена перика и со малку шминка и во фустан, тој веднаш ја добива работата.
Даниел Хилард (Робин Вилијамс) е татко што ја губи својата работа како синхронизатор на цртани филмови. Кога организира катастрофална роденденска забава за својот син Крис, сѐ тргнува кон полошо. На сопругата на Даниел, Миранда (Сели Филд), ѝ е доста од Даниел и бара развод. Кога пристигнуваат рочиштата за разводот, на Даниел му е одземено старателството врз децата, но му се дозволени посети. Но нему не му е доволно да си ги гледа децата еднаш неделно. Со помош од својот пријател, театарскиот шминкер Френк, Даниел се преправа во „г-ѓа Даутфаер“, жена во зрели години и со остар јазик, но и со многу мил пристап кон децата. Со маската на „г-ѓа Даутфаер“, Даниел успева преку шарм да се врати во животот на своето семејство. Но, неговата глума е премногу добра, па доаѓа до проблеми. А ако му ја откријат глумата, тој може да биде трајно разделен од своето семејство.