Патувањето на едно куче

Содржина

Долгоочекуваното продолжение на трогателниот глобален хит „Смислата на животот на едно куче“, снимен според бестселерот на Брус Камерон, раскажан низ кучешки поглед на свет. Во првиот филм, Бејли доживеа дури четири реинкарнации во четири различни кучешки раси. Плод на вкрстување помеѓу австралиски овчар и бернардинец, сега тој ги поминува деновите во удобен живот на фармата во Мичиген заедно со Итан, кој, како и Бејли, сега е веќе во зрели години, со неговата сопруга Хана и нивната внука Си Џеј. Додека душата на Бејли се подготвува да го напушти овој живот, тој му давa ветување на Итан дека ќе ја следи и ќе ја штити внуката Си Џеј во неговиот нареден живот. Така започнува новата авантура на Бејли, кој заедно со Си Џеј ја пронаѓа својата нова судбина и формира нови нераскинливи врски што ќе ги однесе него и луѓето што ги сака на места што не ги замислувале.