Содржина
Во мало гратче во Северна Македонија, секој јануари локалниот свештеник фрла дрвен крст во реката и стотици луѓе скокаат по него. Овојпат, Петрунија скока во водата и успева да го зграпчи крстот пред другите...
Заснован врз вистински настани, филмот се одвива во Штип, мало гратче во Северна Македонија, каде што секој јануари локалниот православен свештеник фрла дрвен крст во реката и стотици луѓе скокаат по него. Среќата и просперитетот му се гарантирани на оној што ќе го фати. Овојпат Петрунија скока во водата и успева да го зграпчи крстот пред другите. Нејзините конкуренти се бесни, како може жена да се осмели да учествува во нивниот ритуал? Кога сè излегува од контрола, Петрунија стои исправено, предизвикувајќи ги Црквата, судството и медиумите. Таа го освоила крстот и нема да се откаже од него.