Јавачи на бранови

Содржина

Младиот и неискусен агент на ФБИ Џони Јута (К. Ривс) добива тешка задача да го истражи случајот на низа вешто ограбени банки. Од својот постар партнер Анџело Папас (Г. Бјуси) дознава дека криминалците маскирани како поранешни американски претседатели извеле 27 грабежи во последните три години и дека не може да им се влезе во трага, па Џони и Папас ги анализираат снимките од надзорните камери и заклучуваат дека зад маските се кријат неколкумина храбри сурфери. Затоа Џони купува даска за сурфање и невешто се фаќа во костец со брановите. Ја запознава атрактивната Тајлер Ен Ендикот (Л. Пети) којашто е вешта сурферка и поранешна девојка на маркантниот Боди (П. Свејзи), лидер на сурферската група којашто секое лето бестрашно ѝ пркоси на природата. Користејќи го познанството со Тајлер, Џони почнува да се дружи со Боди...