Содржина
Документарниот филм на Мајкл Мур е провокативен и комичен поглед на времето во кое живеат Американците, а името на филмот се однесува на денот кога Трамп беше прогласен за нов претседател на Соединетите Држави. За филмот, кој го објави пред изборите за Конгресот, Мур вели дека истражува две најважни теми од ерата на Трамп: Како дојде до ова и како да се излезе од ова.
Мајкл Мур е роден во Флинт, Мичиген, и работел како новинар пред да влезе во светот на документарни филмови. За филмот „Луди за оружје“ ја освои наградата Оскар за најдобар документарен филм во 2003 година, а документарецот „Фаренхајт 9/11“ (2004) за владеењето на Џорџ В. Буш е најуспешниот документарен филм на сите времиња.