Содржина
Филмот се фокусира на мистериозното исчезнување на Џузепе, 13-годишниот син на шефот на мафијата. Во контраст на индиферентноста на луѓето околу неа, Луна – соученичка која е вљубена во Џузепе – е решена да го најде.
Во едно мало сицилијанско село на работ од шумата исчезнува Џузепе, момче на 13 години. Луна, неговата соученичка која го сака, одбива да го прифати неговото мистериозно исчезнување. Таа се бунтува против кодот на молк и заговор околу неа и за да го најде се впушта во мрачниот свет што го проголтал него и што има езеро како мистериозен влез. Само нивната неуништлива љубов ќе може да ја врати назад. Филмот „Сицилијанска приказна за духови“ е инспириран од вистинската приказна за тинејџерот Џузепе ди Матео, кој бил киднапиран во 1993 г. при обид да се замолчи неговиот татко Сантино, доушник за мафијата. Филмот уверливо чекори по линијата на суровата реалност и удобната фантазија, а елементи на натприродното се појавуваат како омекнувач на извитоперените врски меѓу вообичаеното семејство, училиште и заедница.
Слики
