Пуштени од ланец

Содржина

Врската помеѓу едни сијамски близнаци, Боб и Волт, е ставена на тест кога се селат во Лос Анџелес за Волт да стане актер. Набргу, близнаците стануваат славни на телевизиското шоу на Шер, но успехот се заканува да ги раздели.
Урнебесна комедија од браќата Фарели, каде добитникот на наградата на Академијата, Мет Дејмон и добитникот на Оскар, Грег Кинер ги играат сијамските близнаци, Боб и Волт Тенор, кои буквално никогаш не се оставаат еден со друг. Нивната единствена врска доведува до големи компликации кога Волт одлучува да ги следи своите сништа за да стане актер, па го убедува својот брат да дојде со него. Боб и Волт Тенор се легенди од еден мал град, одлични во спортот и горди сопственици на ресторан за брза храна каде нивните четири раце работат на скарата со молскавична брзина. Кога Волт посакува да стане актер, тој го убедува Боб да си ја почитуваат заклетвата од детството, никогаш да не си попречуваат во своите кариери, па браќата се упатуваат на запад за да ги видат холивудските светла. Боб и Волт брзо се спријателуваат со својата секси сосетка (Ева Мендез), која му помага на Волт да се запознае со искусниот агент (Симор Касел), чија идеја е Волт да почне со актерството во порно филм. Работите конечно почнуваат да одат по нагорна линија за Волт кога момците се среќаваат со легендарната дива и добитничка на наградата на Академијата, Шер. Барајќи начин да ја саботира својата нова ТВ серија, во која не сака да учествува, Шер го ангажира Волт. Наместо да го уништи шоуто, Волт му носи огромен рејтинг, а браќата веднаш стануваат славни личности. Нивната вистинска авантура тукушто започнува, па браќата носат одлука која засекогаш ќе ги промени нивните животи. Што ќе се случи со момците? Една работа е сигурна: ништо нема да ги раздели.