Содржина
Што ако човештвото е присилено да ја напушти Земјата, а некој заборави да го исклучи последниот робот? Режисерот кој е добитник на Наградата од академијата, Ендру Стентон („Барајќи го Немо“) и инвентивните раскажувачи и гении за технологија во „Пиксар Енимејшн Стјудиос“ („Спасители“, „Коли“, „Рататуи“) ги пренесуваат љубителите на филмот во не толку далечна галаксија, во нова, компјутерски анимирана космичка комедија за еден решителен робот наречен ВОЛИ. По стотици осамени години правејќи го она за што е створен, ВОЛИ (WALL - E, кратенка за Waste Allocation Load Lifter Earth-Class – Дигалка за распоредување отпад, класа – Земја) открива нова смисла во животот (поинаква од собирање дреболии), кога сретнува еден софистициран робот за извидница, наречен ИВ (EVE - Extraterrestrial Vegetation Evaluator – Проценувач за вонземска вегетација). ИВ доаѓа до сознание дека ВОЛИ несакајќи го има сретнато клучот за иднината на планетата и бргу се враќа назад во вселената за да ги каже своите сознанија на луѓето (кои нетрпеливо чекаат информација дека е безбедно да се вратат дома). Во меѓувреме, ВОЛИ ја брка ИВ низ галаксијата, создавајќи една од највозбудливите и најкреативните авантуристички комедии прикажана на екраните. При фантастичното патување на ВОЛИ низ никогаш порано замислен универзум на визии за иднината, нему му се придружува урнебесна група ликови, вклучувајќи бубашваба која е домашно милениче и херојски тим од несоодветни роботи кои имаат грешки во функционирањето. Полно со изненадувања, акција, хумор и душа, сценариото на ВОЛИ е напишано и режирано од страна на Ендру Стентон, филмот е продуциран од страна на Џим Морис, во копродукција со Линдзи Колинс, и содржи оригинален и иновативен дизајн на звукот направен од страна на добитникот на Наградата од академијата, Бен Буртон („Војна на ѕвездите“, „Индијана Џонс“, „ИТИ Вонземјанинот“).