Содржина
Во 1957 година, во навидум идиличниот град Роквел во државата Мејн живее Хогарт, инвентивно 9-годишно момче кое фантазира за вонземски инвазии и за борба со комунистички агенти. Еден ден Хогарт слуша некој локален рибар како зборува нешто што ја надминува секоја негова фантазија. Тоа е 15-метарски робот што паднал од небото во блиското езеро. Не треба да се спомнува дека мајката на Хогарт, Ени, не верува баш многу во приказната, но кога Хогарт го наоѓа роботот и го вади од водата, неговиот пријател Дин, кој води отпад за старо железо, му нуди помош за криење на роботот. Еден владин агент по име Кент Менсли наскоро добива информација дека во соседството има механички натрапник од непознато потекло, па сака да го уништи вонземјанинот по секоја цена. Хогарт е тој што ќе мора да го заштити...