Содржина
Хари Кол (Џин Хекман) е експерт за звучен надзор. Прислушувањето и шпионирањето на туѓите животи се неговиот бизнис. Но, дали треба да се вмеша кога едно прислушување најавува убиство?
Експертот за звучен надзор Хари Кол (Џин Хекман) е најмен да следи една млада двојка, снимајќи го нивниот разговор додека шетаат низ преполниот плоштад Јунион во Сан Франциско. Добро знаејќи како може технологијата да ја наруши приватноста, Хари опсесивно се штити себеси, одделувајќи го бизнисот од својот личен живот, дури и одбивајќи да разговара за тоа што работи или каде ќе живее со својата девојка Ејми. Работата на Хари почнува да го измачува, но кога почнува да мисли дека разговорот што го снимил открива завера од страна на еден таинствен корпоративен директор кој има најмено човек да ја убие двојката. Откако дозволува да биде заведен од една кол-герла, која потоа ги краде снимките, Хари уште повеќе е убеден дека ќе дојде до убиство, па повеќе не може да ја оддели својата работа од својата совест. Оваа драма на режисерот Френсис Форд Копола била номинирана за „Оскар“ во 1974 година.
Слики
