Содржина
„Американски претседател разработува една голема дилема. Како вдовецот, кој е водач на „слободниот свет, да направи рамнотежа меѓу многуте обврски што ги има кон својата земја и обичните барања и секојдневни ритуали на додворувањето?
Мајкл Даглас го игра претседателот Ендру Шепард, кој сосема неочекувано се вљубува во Анет Бенинг, која е во улогата на еко-лобистката Сидни Вејд. Филмот нуди редок поглед на една необична романса во која е вмешан најмоќниот човек, но кој мора да совладува пречки со кои обичните граѓани не се соочуваат.
Неговата желба за лична приватност и неговите напори да ја одржи љубовната врска се комплицираат поради проблемите со кои мора да се соочи секој претседател, како што се рејтингот, нападните новинари и еден агресивен политички противник.
За среќа, тој има и помош. Неговите советници, шефот на кабинетот, советникот за домашна политика, советникот за рејтинзи во Белата куќа, секретарот за печат на Белата куќа и личниот асистент го координираат неговиот напнат распоред, се справуваат со барањата од Конгресот и со фамата околу глобалните проблеми, и сето тоа во изборна година.
Но, политичките кризи се различни од личните. Се поставува прашањето дали медиумите, јавноста и неговите советници ќе му дозволат на Ендру Шепард да биде претседател на земјата, а истовремено да биде и возрасен маж кој бара љубов. Само американскиот претседател може да најде начин да ги исполни одговорностите на неговата позиција и да одговори на потребите на жената што ја сака.