Се враќам

СОДРЖИНА

Мадрид во денешно време. Раимунда е млада мајка, вредна и многу привлечна. Живее со својот невработен сопруг и со ќерката која е во фазата на средна адолесценција. Семејството нема доволно пари, па Раимунда работи на неколку работни места. Таа е многу силна жена, вистински борец, но е и многу емотивна и кревка. Чува ужасна тајна уште од детството. Нејзината сестра Соле е малку постара од неа. Заработува за живеење во нелегален фризерски салон дома. Нејзиниот сопруг ја напуштил и заминал со клиентка. Оттогаш таа живее сама. Паула им е тетка. Таа живее во селото каде се родени сите од семејството. Раимунда ја обожава својата тетка, но Соле ја известува дека тетка Паула починала. Раимунда не може да оди на погребот, затоа што кога се враќа дома од работа, го наоѓа мртвиот сопруг во кујната, со нож во градите. Нејзината ќерка признава дека го убила затоа што се напил и сакал да ја силува. Најважно за Раимунда сега е да ја спаси ќерка си. Но, не знае како. Соле неволно се враќа сама во селото и слуша дека нивната покојна мајка се вратила од оној свет за да се грижи за тетка им Паула во последните години од животот, додека била болна. Соседите толку природно зборуваат за духот на нивната мајка...