Оркестар

Содржина

Затворањето на еден локален рудник за јаглен значи и загуба на голем број работни места, како и крај на селскиот дувачки оркестар. На водачот на оркестарот му е тешко да ги мотивира своите членови.
Во малиот британски град Гримли долго време доминирал рудникот за јаглен каде што работеле повеќето мажи, а најголемиот извор на гордост во малиот град е музичкиот состав „Гримли Колиери“, дувачки ансамбл кој добил признанија на бројни национални натпревари. Дени е пензиониран рудар со лошо здравје и е диригент на оркестарот. Доаѓа време за еден национален натпревар, а Дени е решен Гримли да заме трофеј. Но, многу од неговите музичари имаат друго на ум. Се зборува дека рудникот наскоро можеби ќе се затвори, а во град што веќе пати поради економските проблеми тоа му доаѓа како смртна пресуда. Како дополнение на интригата е враќањето на Глорија, која порано живеела во Гримли. Таа се враќа во градот за една задача. Иако оркестарот традиционално бил исклучиво машки, Дени размислува да ги прекрши правилата и да дозволи Глорија да влезе во составот бидејќи таа е одличен свирач на флуг-хорна, но нејзиното присуство е лоша вест за градот. Таа работи за владата и ја истражува изводливоста на затворањето на рудникот. Главниот трубач Енди исто така има мешани чувства за Глорија. Тој и таа порано имале врска, па тој сѐ уште има чувства кон неа, но не е сигурен дали сака да се намести за уште едно раскинување.