Содржина
Дваесетгодишната Луси Канингам никогаш не бакнала момче, никогаш немала работа и никогаш немала пријатели. Нејзина најдобра а можеби и единствена пријателка е мајка ѝ Клер, која ја заштитувала од сите зла на светот, вклучително и од сопствената смртоносна болест. Свесна дека нешто се случува со мајка ѝ, Луси со својата веспа оди на интервју за работа во Кливленд. Таму наидува на еден бизарен и прекрасен фестивал за филмовите на големиот италијански режисер Федерико Фелини, каде го гледа неговиот филм награден со „Оскар, „Ла страда (1954) и веднаш се вљубува во него. Оваа таинствена трагикомедија ја остава Луси во немир и во потрага по одговори. По една смела одлука, таа го напушта својот мал град за да го најде режисерот и да ги разоткрие неговата и нејзината таинствена енигма. Тоа што следи е чудно и спектакуларно патување низ романтичните предели на Италија, кога Луси ги сретнува не само ликовите од филмовите на Фелини туку и фантазиите и кошмарите што го дефинирале режисерот.