Содржина
Џерико е мал град во Тексас во 20-тите години од 20-тиот век. Две насилни банди ги имаат избркано речиси сите жители кои не се вмешани во шверцот на алкохол. Стрози предводи една банда на италијански шверцери на рум со помош од својата „десна рака Џорџо, додека Дојл ја предводи ирската банда, а Хики му е рекетар. Градскиот шериф Ед Галт е немоќен да го спречи криминалот во Џерико, па претежно се обидува да им се тргне од патот и да одржи кревок мир помеѓу Стрози и Дојл. Џон Смит е безмилосен и неморален пиштолџија кој бега од законот и минува низ Џерико на пат кон Мексико. Оценувајќи ја ситуацијата, Смит набргу осмислува план да им ги продаде своите услуги, прво на едната банда а потоа на другата, и на крајот да ги набуцка двете страни една против друга додека тој ќе остане во средина и ќе ги зема профитите кои ги прават и двете страни.