Содржина
Ова е филм за боречки вештини со голема имагинација и со поетски движења. Филмот, добитник на „Оскар“, „Клекнат тигар, скриен змеј“ на Анг Ли е епска љубовна приказна на која ѝ се спротивставуваат предавството и жедта за моќ. Јун-Фат Чоу го игра легендарниот воин Ли Му Баи, кој ѝ го предава својот магичен меч Зелена судбина на поранешната љубов Ју Ши Лиен со цел таа да го однесе кај локалниот гувернер. Но кога скапоцениот меч е украден, сомнежот паѓа врз Џејд Фокс, бегалка што го убила господарот на Ли и тајно се претставува како чувар на ќерката на гувернерот, Јен Ју. Под влијание на Џејд, Јен го одбива претходно договорениот брак и станува маскиран воин чиј премин во светот на сенките се компликува со појавувањето на Ло, изгубена љубов од минатото. Покрај тоа што потрагата по Зелена судбина прикажува неверојатни битки од боречките вештини и надреални прикази на старата Кина, во филмот се преплетуваат вечните теми за љубовта и обидот да се победи злото што неминовно им ги менува животите на Ли и Ју, како и на Јен и Ло.