Ледено доба 2: Топење

Содржина

Хероите од светскиот блокбастер „Ледено доба се враќаат. Мамутот Мани, мрзливецот Сид, праисторискиот тигар Диего и баксузната праисториска верверичка/стаорец Скрат. Во ова продолжение, ледената доба завршува, па нашите јунаци уште се заедно и уживаат во придобивките од светот кој сега се топи.
Мани можеби е подготвен да оформи семејство, но никој нема видено друг мамут веќе долго време. Мани мисли дека е можеби последниот мамут. Но тој за среќа ја наоѓа Ели, единствената мамутка останата на светот. Нивниот единствен проблем е што не можат да се поднесат еден со друг, а Ели си мисли и дека е посум! Ели доаѓа во придружба на двајцата нејзини „браќа посуми Креш и Еди, кои се шегаџии и бељаџии.
Мани, Сид и Диего набргу дознаваат дека потоплата клима има една голема негативност во вид на огромен глечер кој држи огромно количество вода, кој набргу ќе пукне со што целата долина може да се поплави. Единствената шанса да преживеат лежи на другата страна од долината. Па така, нашите тројца херои, заедно со Ели, Креш и Еди, се сплотуваат во чудно семејство и одат на мисија по опасните терени, кон спасот.