Содржина
Грубиот и неучтив пилот (Харисон Форд) и острата на јазик њујорчанка (Ен Хеч) се во неволја на напуштен остров откако нивниот авион за Тахити е принуден да слета заради бура. Двајцата набргу ги откриваат сите опасности на рајот.
Квин Харис (Харисон Форд) е неучтив пилот, кој живее едноставен живот во рајот. Задоволен од комфорниот живот, тој превезува товар со својот стар авион. Животот на Квин е каков што тој го посакува сè додека не се сретне со Робин Монро (Ен Хеч). Таа е од Њујорк и е остра уредничка на списание, која е на одмор со нејзиниот нов свршеник Френк Мартин. Кога ненадејно барање од списанието ја принудува Робин да оди на Тахити, таа неволно го подмитува Квин да ја одвезе таму со авионот. Бурата ги принудува да се спуштат и тие двајцата одеднаш се наоѓаат заглавени на напуштен остров. Опасноста и романсата се појавуваат на површината и тие двајца се впуштаат во серија авантури кои ги нема во ниту една туристичка брошура. Тие се последните луѓе кои би сакале да се заглавени на ненаселен остров заедно, а ниеден од нив не планира романтична авантура.
Слики
