Содржина
По една сообраќајна несреќа, Кајл (Џереми Самптер) и Ејми (Фиби Тонкин), заедно со група од други разгалени синови и ќерки на светски милијардери, се испратени од нивните родители во едно далечно училиште на еден остров блиску до Шкотска. Ова е последната шанса за да можат разгалените дечишта да пораснат и да го напуштат својот неодговорен живот или да ризикуваат да не добијат наследство. Одеднаш, една група платеници го напаѓа островот и ги убива учителите и чуварите, земајќи ги децата како заложници за најголемиот откуп во историјата од милијарда долари. Кога дознаваат дека ќе бидат убиени дури и ако се плати откупот, обуката што децата ја добиле за преживување во дивината им е единствената надеж за да ги совладаат киднаперите и да останат живи.