Содржина
Аби Најт (Брук Шилдс) е поранешна адвокатка што станала горда сопственичка на цвеќарница. Таа почнува нов живот по смртта на нејзиниот сопруг, а поддршка во тоа добива од татко ѝ (Бо Бриџис). Таа отвора нов бизнис и ја испраќа ќерка си на колеџ. Животот е добар во мирниот град Њу Шапел, но кога еден црн џип удира во нејзиниот скапоцен олдтајмер, таа е решена да го најде возачот. Таа неволно прифаќа да му помогне на својот нов сосед, згодниот и шармантен поранешен маринец Марко Салваре (Бренан Елиот), кој тукушто го купил барот на истата улица. Но, нивната врска е загрозена кога еден нејзин познајник е убиен, а добриот пријател на Аби е главниот осомничен и сето тоа води до судирот на автомобилот. Заробена во ситуација со заканувачки телефонски повици, полициска корупција и убиствени автомобилски бркотници, Аби мора да побрза да го најде убиецот за следниот цветен аранжман да не биде за нејзиниот погреб.
Слики
